უკრაინაში მშვიდობაზე მოლაპარაკებების შემდეგ რაუნდებს ევროპელები შეუერთდებიან. ამის შესახებ აშშ-ის პრეზიდენტის სპეცწარმომადგენელმა, სტივ უიტკოფმა მოსკოვის ვნუკოვოს აეროპორტში ქვეყნის დატოვებამდე განაცხადა.
“ისინი ჩვენი პარტნიორები არიან და მათთვის მნიშვნელოვანია, რომ ჩართულები იყვნენ,” - განაცხადა უიტკოფმა.
რუსეთის პრეზიდენტს, ვლადიმირ პუტინსა და აშშ-ის პრეზიდენტის წარმომადგენლებს - სტივ უიტკოფსა და ჯარედ კუშნერს შორის მოსკოვშო შეხვედრა დასრულდა, რომელზეც მათ აბუ-დაბიში გამართული სამმხრივი შეხვედრის ბოლო რაუნდი განიხილეს.
“ვფიქრობ, რომ პროგრესი მიღწეულია. ვფიქრობ, დღეს ადრე მივაღწიეთ მას. ხალხს არ ეგონა, რომ სამმხრივ შეხვედრებს განვაახლებდით. განვაახლეთ. ახალი შეხვედრა დავნიშნეთ,” - განაცხადა უიტკოფმა.
ცნობისთვის, ახლა აშშ-ის წარმომადგენლები დუბლინში გაემგზავრებიან, სადაც უკრაინის პრეზიდენტს, ვოლოდიმირ ზელენსკის შეხვდებიან და მოსკოვში გამართული შეხვედრის შესახებ მიაწვდიან დეტალებს.