ირლანდიაში მიმდინარე ევროპული პოლიტიკური გაერთიანების სამიტში ირაკლი კობახიძის მონაწილეობა საქართველოში პოლიტიკური განხილვის ერთ-ერთი მთავარი თემაა. პრემიერ-მინისტრის განცხადებით, ევროპელ პარტნიორებთან შეხვედრებისას საქართველოს ხედვებს დემოკრატიულ პროცესებსა და რეგიონულ დაკავშირებადობას განიხილავს. ხელისუფლების ოპონენტები და ექსპერტთა ნაწილი კი მიიჩნევენ, რომ „ქართული ოცნების“ მმართველობის პირობებში ევროკავშირთან ურთიერთობების გაუმჯობესების პერსპექტივა არ არსებობს. ოპოზიციონერი პოლიტიკოსების შეფასებით, კობახიძე და მისი გუნდი ქვეყნის საერთაშორისო იზოლაციისკენ მიმართულ პოლიტიკას ატარებენ.